Познание основ православной веры

Празднование установлено Указом Святейшего Патриарха Алексия II в 2002 году, согласно этому же Указу была написана икона "Собор Святых земли Эстонской", которая находится в Таллиннском Александро – Невском Кафедральном Соборе.

В Собор Святых земли Эстонской входят не только прославленные непосредственно на территории Эстонии Святые Угодники Божии, но и имеющие отношение к этой земле своим рождением, или попечительством о ней. Как, например, Праведный Иоанн Кронштадтский, который сыграл важнейшую роль в становлении эстонского Православия, был вдохновителем строительства храма в Петербурге для православных эстонцев, и стал первым жертвователем его строительства, он помогал и в первых шагах становления Пюхтицкого Успенского женского монастыря.
http://rusk.ru/st.php?idar=14823
Тропарь, глас 4:

Днесь ликует Церковь Эстонская, / ветвь плодоносна древа Российския церкве сущи / и, яко плоды красны, Христу приносящи, / святыя своя прославляет. / Тех молитвами, Господи, Православие в земли Балтийстей сохрани, / паству от расколов и междоусобия избави / и всем христолюбивым людем / даруй велию милость.

Кондак, глас 8:

Днесь святии земли Эстонския предстоят Богу / и усердно за ны Ему молятся, / Ангели славословят с ними, / и вси святии Церкве Российския им спразднуют, / о нас молят вси купно с Богородицею Превечнаго Бога.

Молитва ко всем святым земли Эстонския:

О всеблажении и богомудрии угодницы Божии, подвиги своими землю Эстонскую освятившии и телеса своя, яко семя веры, в ней оставльшии, душами же своими Престолу Божию предстоящии и непрестанно о ней молящиися! Се ныне, в день общаго вашего торжества, мы, грешнии, меньшии братия ваши, дерзаем приносити вам сие хвалебное пение. Величаем ваша великия подвиги, духовни воини Христови, терпением и мужеством до конца врага низложившии и нас от прелести и козней его избавляющии. Ублажаем ваше святое житие, светильницы Божественнии, светом веры и добродетелей светящиися и наша умы и сердца богомудренно озаряющии. Прославляем ваша великая чудеса, цвети райстии, в стране нашей прекрасне процветшии и ароматы дарований и чудес повсюду благоухающии. Восхваляем вашу богоподражательную любовь, предстателие наши и покровителие, и, уповающе на помощь вашу, припадаем к вам и вопием: вси святии сродницы наши, от лет древних просиявшии и в последния дни подвизавшиися, явленнии и неявленнии, ведомии и неведомии! Помяните нашу немощь и уничижение и молитвами вашими испросите у Христа Бога нашего, да и мы, безбедно преплывше житейскую пучину и невредимо соблюдше сокровище веры, в пристанище вечнаго спасения достигнем и в блаженных обителех Горняго отечества вкупе с вами и со всеми угодившими Ему от века святыми водворимся благодатию и человеколюбием Спасителя нашего Господа Иисуса Христа, Емуже со Превечным Отцем и со Пресвятым Духом подобает непрестанное славословие и поклонение от всех тварей во веки веков. Аминь.