Познание основ православной веры

кондак, глас 1

Тобою, преподобне отче Пимене,/ обитель Угрешская благословением Божиим процветшая/ память твою ныне празднует/ и ликующе зовет ти/ слава Давшему тебе крепость/ слава Венчавшему тя/ слава Действующему тобою всем исцеления.

молитва

О святый угодниче Божий, преподобне Пимене!
Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Тем же взирающе на святый твой образ, радуемся о преславнем скончании жительства твоего и чтем святую память твою. Ты же, предстоя престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякого зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и святаго Духа, ныне и во веки веков.

Аминь.