Дни памяти святого установлены в день его блаженной кончины — 22 дек./4 янв. и в день обретения его мощей — 9/22 июня. Тропарь, глас 3. Подобен: "Да веселятся" Да возрадуется земля Самарская, обретши тя предстателя и заступника у престола Владычня, пастырю наш добрый и чудотворче предивный, чистый праведный отче Александре, моли Христа Бога в вере православней и исполнении евангельских заповедей непоколебимым пребыти и спастися душам нашим.
О святый угодниче Божий Александре! Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя престолу Божию, приими моления наша и ко всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще единаго во святых своих славимаго Бога, Отца и Сына и Святаго Духа, ныне и во веки веков.
Явился еси Православныя Церкви столп, Христовых заповедей усердный делатель, приходящим к тебе с верою скорый помощник, в скорбех и нуждах утешитель и мудрый наставник: темже и нам любовию почитающим тя, грехов оставление испроси, обитель и град сей невредимы сохрани, праведне Александре отче наш, молитвенниче от нас пред Богом теплейший. http://sobesednik.orthodoxy.ru/html/arhiv/4_2001/ghizn_1_4_01.html
Добавлять комментарии могут только зарегистрированные пользователи. [ Регистрация | Вход ]