Timona | Дата: Среда, 25.05.2011, 00:12 | Сообщение # 1 |
Блаженны чистые сердцем
Группа: Проверенные
Сообщений: 407
Статус: Offline
| Святой благоверный Великий Князь Михаил Александрович Тверской Тропарь, глас 6
Отечества земнаго поборниче неустрашимый,/ и иночества почитателю благоговейный,/ землю Тверскую храмами Божиими дивно украсивый,/ изряднее же добродетельми храмину души своея,/ темже и образ ангельский достойно восприял еси,/ благоверный княже Михаиле,/ моли Христа Бога за ны/ спастися душам нашим.
Кондак, глас 8
Небесное Царствие из млада возлюбивый,/ и в подобие ему земной свой удел украсивый,/ яви тя Господь земле тверстей во благоустроение,/ благоверный княже Михаиле,/ святителем и иноцем заступниче и почитателю,/ воров и лютых разбойников скорая пагуба,/ и ныне моли о нас Христа Бога нашего,/ да подаст нам всякаго злаго прилога избавление. Преподобный Нил Столобенский Тропарь, глас 4:
Яко светильник всесветел явился еси во острове Селигера езера, преподобне отче Ниле; ты бо Крест Христов от юности своея на рамо взем, усердно тому последовал еси, чистотою Богови приближився, отонудуже и чудес дарование обогатился еси. Тем и мы притекающе к раце мощей твоих умильно глаголем: отче преподобне, моли Христа Бога, спастися душам нашим. Кондак,глас 8: Отечества, преподобне, удалився,/ в пустыню вселился еси,/ и на остров Селигера езера возшед, жестоко житие показал еси,/ и многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:/ радуйся Ниле, отче наш. Преподобный Макарий Калязинский Священномученик Фаддей(Успенский) Преподобный Сергий(Сребрянский) МОЛИТВА
О СВЯЩЕННАЯ ГЛАВО, ПРЕБЛАЖЕННЕ ОТЧЕ СЕРГИЕ, ПАСТЫРЮ СВЯТЫЙ, МОЛИТВЕННИЧЕ НЕУСЫПНЫЙ, СЕРАФИМСКОЮ ЛЮБОВИЮ КО ГОСПОДУ ГОРЯЩИЙ; ТЫ ,БО ЯКО ЕДИН ОТ ДРЕВНИХ ЯВИЛСЯ ЕСИ, ВЫНУ ХРИСТУ ПРЕДСТОЯЙ. НЕ ОТРИНИ НАС, НЕМОЩНЫХ, НЕ ДЕРЗАЮЩИХ ВОЗВЕСТИ ОЧЕСА НА НЕБО; УСЛЫШИ, ОТЧЕ СВЯЩЕННЕЙШИЙ, НЕОТСТУПНАЯ ПРОШЕНИЯ НАША, И ВОЗНЕСИ Я ОТ НАС, ДОЛУ ПОНИКШИХ, КО ПРЕСТОЛУ ПРЕСВЯТЫЯ ТРОИЦЫ, ДА СОХРАНИТ МИЛОСЕРДЫЙ ГОСПОДЬ ЦЕРКОВЬ СВОЮ СВЯТУЮ ОТ РАСКОЛОВ И ЕРЕСЕЙ, ДА ИЗБАВИТ ДЕРЖАВУ НАШУ РОССИЙСКУЮ ОТ ВРАГ ВИДИМЫХ И НЕВИДИМЫХ И ПОДАСТ ВСЕМ, РАЦЕ ЧЕСТНЫХ ТВОИХ МОЩЕЙ ПРЕДСТОЯЩИМ И МОЛЯЩИМСЯ ТЕБЕ, ПО КОЕГОЖДО ПОТРЕБЕ: ПАСТЫРЕМ БЛАГОЧЕСТИЕ И АПОСТОЛЬСКУЮ РЕВНОСТЬ, ИНОКОМ ПОКАЯНИЕ И В МОЛИТВЕ ПРЕБЫВАНИЕ, ВОИНОМ МУЖЕСТВО И ЛЮБЫ КО ОТЕЧЕСТВУ, БОЛЯЩИМ БЛАГОДАРЕНИЕ И СКОРОЕ ВСПОМОЖЕНИЕ, И ВСЕМ НАМ НЕПОРОЧНОЕ ВО СТРАСЕ БОЖИЕМ ЖИТЕЛЬСТВО; ДА И МЫ, НЕДОСТОЙНИИ, СПОДОБИМСЯ ПРЕДСТАТЕЛЬСТВОМ ТВОИМ ДУХА СВЯТАГО ИСПОЛНИТИСЯ, ПО ОТШЕСТВИИ СВОЕМ ЛЮТЫХ МЫТАРСТВ ИЗБАВИТИСЯ И БЛАЖЕННЫЙ ОНЫЙ ГЛАС ВЛАДЫКИ ХРИСТА УСЛЫШАТИ: "ПРИИДИТЕ, БЛАГОСЛОВЕННИИ ОТЦА МОЕГО, НАСЛЕДУЙТЕ УГОТОВАННОЕ ВАМ ЦАРСТВИЕ ОТ СЛОЖЕНИЯ МИРА". АМИНЬ. http://www.spas.tvcom.ru/saints.html
|
|
| |